მოზარდის
სახელმძღვანელო
სერტიფიცირება და ტალანტის აღიარება
სისტემის ფილოსოფია
Kenchadze Academy წარმოგიდგენთ მოზარდების სერტიფიცირებისა და ცოდნის შეფასების სრულიად ახალ, პრაქტიკაზე დაფუძნებულ სისტემას. ჩვენი მთავარი მიზანია მოზარდების მაქსიმალური სტიმულირება, მათი ტალანტის საჯარო აღიარება და დაჯილდოება.
ჩვენი ამოცანაა, რომ თითოეულმა მონაწილემ ამ პროცესში მიიღოს ბევრად მეტი სარგებელი, მოტივაცია და თავდაჯერებულობა მომავალი კარიერისთვის ან უნივერსიტეტისთვის, ვიდრე ოდესმე სადმე მიუღია. თქვენი ცოდნა ფასდება ქეისური ტესტებით, პრაქტიკული დავალებებით, მენეჯმენტის სიმულაციურ თამაშში ნაჩვენები შედეგებითა და მიღწეული მიზნებით.
რას მიიღებთ პროგრამაში
01 | პრაქტიკული ბიზნეს-გამოცდილება — რეალური გადაწყვეტილებები სიმულაციებში, ქეისებსა და ვარჯიშებში — არა თეორია. |
02 | 5 სერტიფიკატი — თითოეული გენერირდება საერთაშორისო Certifier პლატფორმაზე. |
03 | ციფრული პორტფოლიო — LinkedIn-თან პირდაპირი ინტეგრაცია — მძლავრ პროფესიულ პორტფოლიოს ჯერ კიდევ სკოლის ასაკში აშენებთ. |
04 | ტალანტის საგარანტიო წერილი — დავით კენჭაძის ოფიციალური აღიარება და რეკომენდაცია. |
05 | თავდაჯერებულობა — უნივერსიტეტისთვის, სტაჟირებისთვის და პირველი სამსახურისთვის. |
პროგრამის სტრუქტურა
პროგრამა აგებულია დაგროვებით პრინციპზე და გათვლილია 52 კვირაზე (1 წელი). თუ ამ პერიოდში ვერ მოასწრებთ, შესაძლებელია გაგრძელება მაქსიმუმ 1 დამატებითი წლით.
4 ეტაპი — თანმიმდევრულად
1
ლექციები + თიფსები
2
ტესტირება
3
მენეჯმენტის სიმულაციური თამაში
4
გასაუბრება
ეტაპი | რა არის | წინაპირობა | შედეგი |
|---|---|---|---|
1 · ლექციები + თიფსები 53 ვიდეოლექცია | იდეების კრებულის შექმნა | ჩარიცხვა | I სერტიფიკატი (53 ლექცია + 500 თიფსი), II სერტიფიკატი (1,000 თიფსი) |
2 · ტესტირება ქეისური ტესტები | 53 ვიდეოს ქეისური ტესტები: თითოეულში მინიმუმ C1 | ჩარიცხვა | III სერტიფიკატი |
3 · მენეჯმენტის სიმულაციური თამაში მენეჯმენტის სიმულაციური თამაში | დამოუკიდებელი თამაში ახალ გარემოში | I და III სერტიფიკატები მიღებული | IV სერტიფიკატი |
4 · გასაუბრება დავით კენჭაძესთან | ფინალური პროფესიული გასაუბრება | სრული პროგრამა დასრულებული (V სერტიფიკატი) | ტალანტის საგარანტიო წერილი |
ეტაპი — 1 · ვიდეოლექციები + თიფსები
53 ვიდეოლექცია · თქვენი მომავლის იდეების კრებული
ლექციებისა და ვიდეოების ყურების პარალელურად, თქვენ იწერთ და აგროვებთ იმ იდეებსა და რჩევებს (თიფსებს), რომლებიც მოგწონთ და გსურთ, რომ მომავალში გამოიყენოთ. ეს არის თქვენი პირადი, სამომავლო იდეების კრებული — საკუთარი სიტყვებით, არა ციტატებით.
მთავარი წესი: რასაც ამ კრებულში ჩაწერთ, აუცილებლად ძალიან კარგად უნდა გესმოდეთ. თუ რამეს ვერ იგებთ — არ გაჩერდეთ: ნებისმიერ დროს შეგიძლიათ შეკითხვა დაუსვათ პირადად დავით კენჭაძეს იმ თემებთან დაკავშირებით, რასაც იწერთ. იდეები ლამაზად და გასაგებად გადაიტანეთ ნებისმიერი სახის ონლაინ დოკუმენტში.
53
ლექცია — სრული კურსი
500
თიფსი — I სერტიფიკატი
1,000
თიფსი — II სერტიფიკატი
როგორ მოწმდება: როცა თქვენი ონლაინ დოკუმენტი შესაბამის ზღვარს მიაღწევს, მას უგზავნით თქვენს პირად მენეჯერს. პირადი მენეჯერი თემას უშუალოდ დავით კენჭაძესთან ათანხმებს და დადასტურების შემთხვევაში სერტიფიკატი ჩაგეთვლებათ.
ეტაპი — 2 · ტესტირება
III სერტიფიკატი · თითოეულ სავალდებულო ვიდეოში მინიმუმ C1
ტესტირება ამოწმებს, როგორ იყენებთ ვიდეოში შესწავლილ პრინციპებს ახალ სიტუაციაში. ეს ეტაპი გუნდურ სიმულაციას ანაცვლებს. 53-ვე ვიდეოს ტესტის წარმატებით დასრულების შემდეგ მიიღებთ III სერტიფიკატს.
ვიდეომოდულის ტესტირების წესი
ტესტირების ახალი მოდული მზადდება. აქ აღწერილია შეთანხმებული პირობები; ამოქმედების თარიღსა და შესვლის ბმულს მონაწილეებს დამატებით მივაწვდით.
სავალდებულო მოდული მოიცავს 53 ვიდეოს. თითო ვიდეოზე გაივლით 50 სიტუაციურ კითხვას, თითოეულში ოთხი სავარაუდო პასუხითა და ერთი საუკეთესო არჩევანით. ვიდეომოდულის ჩასაბარებლად თითოეულ ტესტში საჭიროა მინიმუმ C1: 80%, ანუ 50-დან სულ მცირე 40 სწორი პასუხი. საერთო მაღალი საშუალო ცალკეული თემის ჩაუბარებელ შედეგს ვერ ჩაანაცვლებს.
ვიდეოებს Telegram-ში თავისუფალი თანმიმდევრობით ნახავთ. შესაბამისი ჯგუფის წევრი პირად კაბინეტში მინი აპიდან მიღებული ერთჯერადი კოდით შევა და საკუთარ პროგრესს ნახავს.
კითხვები შეირჩევა წინასწარ მომზადებული ბანკიდან, თემებისა და სირთულის თანაბარი განაწილებით. უკვე ნანახი კითხვა იმავე მონაწილეს განმეორებით აღარ შეხვდება. პასუხის დრო კითხვის სირთულესა და მოცულობას მოერგება; დროის გასვლა ჩაითვლება არასწორ პასუხად. პასუხის დაფიქსირების ან დროის გასვლის შემდეგ გამოჩნდება სწორი არჩევანი და ახსნა.
პასუხები შეინახება ავტომატურად. შეჩერება და მოგვიანებით გაგრძელება შესაძლებელი იქნება კითხვებს შორის; გახსნილი კითხვის დრო გვერდის დახურვით ან კავშირის გაწყვეტით არ შეჩერდება. შემდეგი კითხვა თქვენი მოქმედების გარეშე არ დაიწყება.
იმავე ვიდეოს ტესტის ხელახლა გავლა შესაძლებელი იქნება წინა მცდელობის დასრულებიდან სამი თვის შემდეგ, ახალი 50 კითხვით. დონეს განსაზღვრავს საუკეთესო შედეგი; ყველა მცდელობა ისტორიაში დარჩება. ბანკი შეივსება ახალი, შემოწმებული კითხვებით.
შეფასების დონეები
- C2: 90–100%
- C1: 80–89%
- B2: 70–79%
- B1: 60–69%
- A2: 50–59%
- A1: 50%-ზე ნაკლები
დონე და გავლილი თემების რაოდენობა ცალ-ცალკე გამოჩნდება. ვიდეომოდულის დასრულებისას კაბინეტი გაჩვენებთ პროგრამის დარჩენილ მოთხოვნებს.
სერტიფიკატის მიღება
სისტემა შეამოწმებს ტესტების შედეგებს, პასუხისმგებელი პირი კი დაადასტურებს პრაქტიკულ კომპონენტებს. შესაბამისი პირობების შესრულების შემდეგ გამოჩნდება სტატუსი „სერტიფიკატის გასაცემად მზადაა“. გაცემული სერტიფიკატის ბმული პირად კაბინეტში შეინახება.
შუალედური სერტიფიკატები გაიცემა საკუთარი პირობებით. სრული პროგრამის დასასრულებლად აუცილებელია ყველა სავალდებულო ტესტის მინიმუმ C1-ზე ჩაბარებაც; ტესტირება სხვა პრაქტიკულ მოთხოვნებს არ ანაცვლებს.
ეტაპი — 3 · მენეჯმენტის სიმულაციური თამაში
მენეჯმენტის სიმულაციური თამაში · წინაპირობა: I და III სერტიფიკატები
ვირტუალურ კომპანიას დამოუკიდებლად მართავთ: იღებთ სტრატეგიულ გადაწყვეტილებებს და იყენებთ ლექციებსა და ქეისებში ნასწავლს. მენეჯმენტის სიმულაციური თამაში პროგრამაში რჩება.
თამაში მოიცავს 10 ვირტუალურ წელს. ყოველ ტურში აყალიბებთ არგუმენტირებულ გადაწყვეტილებას, რომელსაც პირადი მენეჯერი სიმულატორში ატარებს და გიბრუნებთ შედეგს.
რა გეხმარებათ პარალელურად
შეფასებადი ეტაპების გარდა, თქვენს განკარგულებაშია 3 სასწავლო ინსტრუმენტი. რაც მეტს გამოიყენებთ, მით უკეთეს შედეგს მიაღწევთ სიმულაციებსა და მთელ პროგრამაში.
ყოველკვირეული ქეისები — ჰარვარდის ქეის-მეთოდი
Harvard Business School-ის მთავარი მეთოდი, რომელსაც ჩვენთან ზუსტად ისე იყენებთ, როგორც ჰარვარდში — გამარტივებული და მოზარდებზე ადაპტირებული ფორმით.
ქეისს იღებთ წინასწარ — რეალური ბიზნეს-სიტუაცია ცნობილი კომპანიის ისტორიიდან. კითხულობთ, აანალიზებთ და დამოუკიდებლად ემზადებით: რა გადაწყვეტილებას მიიღებდით თქვენ?
შემდეგ ქეისი შეხვედრაზე, ჰარვარდის მეთოდოლოგიით, კითხვა-პასუხის რეჟიმში განიხილება: იცავთ საკუთარ პოზიციას, ისმენთ სხვების არგუმენტებს და ხედავთ, როგორ იკითხება ერთი და იგივე სიტუაცია სრულიად განსხვავებულად. სწორედ ამ დისკუსიაში იბადება რეალური სწავლა.
პროგრამის განმავლობაში ჯამში 50 ქეისს განიხილავთ — მათ შორის ისეთი კომპანიების ისტორიებს, როგორებიცაა Apple, Tesla, Starbucks, Netflix და Zara. 50-ვე ქეისში მონაწილეობა სრული პროგრამის დასრულების (V სერტიფიკატის) ნაწილია.
მობაილ აპლიკაცია ვარჯიშისთვის
თქვენი ყოველდღიური სავარჯიშო სივრცე — იგივე აპლიკაცია, რომელსაც ბიზნეს სკოლა იყენებს, ოღონდ მოზარდებზე მორგებული, გამარტივებული დონით:
AI მენტორი — პერსონალური მენტორი 24/7. მზა პასუხს არ გაძლევთ — კითხვებით მიგიყვანთ სწორ მიმართულებამდე, ისევე როგორც ჰარვარდში.
Cold Call — მოულოდნელი ბიზნეს-კითხვა: ადასტურებთ მზადყოფნას, მოდის კითხვა და გაქვთ 2 საათი პასუხისთვის. სწრაფი აზროვნებისა და სტრესულ სიტუაციაში გადაწყვეტილების მიღების ვარჯიში.
ვარჯიშის მოდულები — ფინანსური დრილები, ბიზნეს-სცენარები, სიმულაციები, მოლაპარაკებების თემები, ქეისები და ლიდერული გამოწვევები — მოკლე, ინტენსიური ვარჯიშები რეალურ ბიზნეს-სიტუაციებზე.
ყოველკვირეული ქეისი — განსახილველ ქეისს შეხვედრამდე პირდაპირ აპლიკაციაში იღებთ.
აპლიკაცია მუდმივად ვითარდება — ფუნქციონალი და ვარჯიშები რეგულარულად ემატება.
ცოცხალი ლექციები — პრაქტიკული მასტერკლასები
ცოცხალი მასტერკლასები დავით კენჭაძესთან — ზუსტად ისეთივე, როგორც ბიზნეს სკოლაში: დავითი პირდაპირ თქვენს თვალწინ, ცოცხლად აჩვენებს, როგორ იქმნება გაყიდვების სტრატეგია ნულიდან და როგორ ეწყობა სტარტაპი თუ ბიზნესი ეტაპობრივად.
შეხვედრები ინტერაქციულია: სვამთ კითხვებს, განიხილავთ რეალურ სიტუაციებს. ჩანაწერები ხელმისაწვდომი იქნება, თუმცა ცოცხლად დასწრება ბევრად მეტს გაძლევთ.
შეფასების სისტემა
თიფსებსა და გასაუბრებას პირადად დავით კენჭაძე აფასებს. ტესტებისა და მენეჯმენტის სიმულაციური თამაშის შედეგებს ტესტირების სისტემა და სიმულატორი ავტომატურად აფასებენ.
რა ფასდება | ვინ აფასებს | ჩაბარების კრიტერიუმი | შედეგი |
|---|---|---|---|
ლექციები + თიფსები | დავით კენჭაძე | 53 ლექცია + 500 თიფსი | I სერტიფიკატი |
თიფსები | დავით კენჭაძე | 1,000 თიფსი (ან შესაბამისი მემო) | II სერტიფიკატი |
ტესტირება | სისტემა (ავტომატური) | 53-ვე ტესტში მინიმუმ C1 (80%) | III სერტიფიკატი |
მენეჯმენტის სიმულაციური თამაში | სიმულატორი (ავტომატური) | 10 ტური + დადებითი ROE | IV სერტიფიკატი |
სრული პროგრამა | აკადემია | ყველა ეტაპი + 50 ქეისში მონაწილეობა | V სერტიფიკატი |
გასაუბრება | დავით კენჭაძე | წარმატებული | ტალანტის საგარანტიო წერილი |
რა არ ფასდება ცალკე (მაგრამ გეხმარებათ): აპლიკაციაში თავისუფალი ვარჯიში ტესტირების გარდა, მენტორთან საუბრები, მასტერკლასებზე დასწრება — ეს თქვენი პრაქტიკაა. რაც მეტს გააკეთებთ, მით უკეთესი შედეგი გექნებათ შეფასებად ნაწილში.
სერტიფიკატების სისტემა
პროგრამა მოიცავს 5 სერტიფიკატს — თითოეული პრაქტიკული შედეგის დადასტურებას. სერტიფიკატების დაგროვება ნებაყოფლობითია: თქვენ თავად წყვეტთ, რამდენს აიღებთ.
I | I სერტიფიკატი — ლექციები გაიცემა 53-ვე ვიდეოლექციის მოსმენისა და 500 თიფსის (ან შესაბამისი მემოების) დადასტურების შემდეგ. მენეჯმენტის სიმულაციურ თამაშზე გადასასვლელად საჭიროა III სერტიფიკატიც. |
II | II სერტიფიკატი — თიფსები გაიცემა 1,000 დადასტურებულ თიფსზე გადაცდომისას. |
III | III სერტიფიკატი — ტესტირება გაიცემა 53-ვე სავალდებულო ვიდეოს ტესტში მინიმუმ C1-ის მიღების შემდეგ: თითოეულში 50-დან სულ მცირე 40 სწორი პასუხი. |
IV | IV სერტიფიკატი — მენეჯმენტის სიმულაციური თამაში გაიცემა მენეჯმენტის სიმულაციურ თამაშში 10-ვე ტურის დახურვისა და დადებითი ROE-ის დაგროვების შემდეგ. |
V | V სერტიფიკატი — პროგრამის დასრულება შემაჯამებელი სერტიფიკატი: გაიცემა სრული 1-წლიანი პროგრამის დასრულებისას — ყველა ლექცია, თიფსები, ვიდეომოდულის ტესტები მინიმუმ C1-ზე, მენეჯმენტის სიმულაციური თამაში და 50-ვე ქეისში მონაწილეობა. |
Certifier პლატფორმა და ციფრული პორტფოლიო: თითოეული სერტიფიკატი გენერირდება საერთაშორისო სტანდარტების პლატფორმაზე — Certifier. ეს არის თქვენი ციფრული მიღწევა (Digital Badge), რომელიც ნამდვილობას ადასტურებს. Certifier-ს აქვს პირდაპირი ინტეგრაცია LinkedIn-თან — ერთი კლიკით ამატებთ სერტიფიკატს პროფილზე და საჯაროდ აშენებთ მძლავრ პროფესიულ პორტფოლიოს ჯერ კიდევ სკოლის ასაკში, რასაც ნებისმიერი უნივერსიტეტი თუ დამსაქმებელი მარტივად გადაამოწმებს.
ტიპიური კვირა
აქტივობა | რამდენი დრო | როდის |
|---|---|---|
ვიდეოლექციები (2–3 ლექცია) | 1 საათი | თქვენი არჩევანით |
ცოცხალი მასტერკლასი | 2 საათი | შესაბამისი გრაფიკით |
ქეისი (მომზადება + განხილვა) | 90 წუთი | კვირის განმავლობაში |
მობაილ აპლიკაცია | 30 წუთი | ნებისმიერ დროს |
თამაშის გადაწყვეტილება (სეზონში) | 1 საათი | კვირის განმავლობაში |
მნიშვნელოვანი წესები
1. თანმიმდევრობა სავალდებულოა
ვიდეოებსა და მათ ტესტებზე მუშაობის თანმიმდევრობას თავად ირჩევთ. მენეჯმენტის სიმულაციური თამაშის წინაპირობაა I და III სერტიფიკატები; ფინალური გასაუბრებისთვის საჭიროა სრული პროგრამის დასრულება.
2. თამაშებში — კონფიდენციალურობა
თქვენი ვირტუალური კომპანიის სტრატეგია, ფინანსები და გადაწყვეტილებები სხვა მონაწილეებისთვის საიდუმლოა. ინფორმაციის გაცვლა კატეგორიულად აკრძალულია.
3. ვადები
პროგრამა 52-კვირიანია. გაგრძელება შესაძლებელია მაქსიმუმ 1 დამატებითი წლით. მუშაობის ტემპსა და დედლაინებს თავად განსაზღვრავთ.
4. მასტერკლასების ჩანაწერები
ყველა ცოცხალი მასტერკლასის ჩანაწერი ხელმისაწვდომი იქნება. დასწრება რეკომენდებულია, მაგრამ სავალდებულო არ არის.
თქვენი საკონტაქტო პირები
ვინ | რაში დაგეხმარებათ | როგორ |
|---|---|---|
დავით კენჭაძე ხელმძღვანელი | მასტერკლასები, თიფსების დადასტურება, კითხვები ლექციების თემებზე, გასაუბრება, ტალანტის საგარანტიო წერილი | მასტერკლასები + შეფასება |
პირადი მენეჯერი | ყოველდღიური კითხვები, თიფსების ჩაბარება, გადაწყვეტილებების სიმულატორში გატარება, პროგრესის თვალყურის დევნება | Telegram / ტელეფონი |